آخرها زي أولها شعر وحيد علي الجمال سرس الليان محافظة المنوفية جمهورية مصر العربية
وكونك تبقى تلقائي
بطبعك لسه على الفطرة
بسيط خالص وعشوائي
مابتخفشي على بكره
معاك منه ومش لاقي
بتضحك وانت مش باقي
وتبكي ع اللي مستني
ياخذ منها كذا باقي
آخرها زي أولها
ماتفرقشي عن الباقي
فعيش فيها على عيبها
انا قبلك مجربها
وياما كتير بلاعبها
وحافظ كل ألاعيبها
وعارف بعض أبوابها
ولو عشوائي وبدائي
ملوش لازمة تهادنها
مادمت يومين وهتسيبها
هتنفخ فيك وتتسلطن
وتبقى في الجروب ادمن
تقول ممنوع ودا جائز
لده نصك جميل خالص
وده شايفه كدا ناقص
وممكن فيها تتريس
في شغلك لسه متعين
وتفرح بيها وتهيص
وتتغطرس وتتصدر
وهتَّيِّس هتسمع مدح متكلف
وممكن منه تتكيف
صحيح الصح يامصحصح
حبيب الكل ياريس
في لحظه تروح
وتتغير بسن كبير
ومخك يشبه العيل
ينادوا عليك
وبعد الشيبه يامنيل
حاولت تكون فيها وصولي
فغبت وقلت عدولي
انا جدي الكبير باشا
وحاشا وماشا ياباشا
حياتك تشبه الشاشه
أخبارك ومتشافه
يامطمن لاحوالها
ومتغطي بأحلامها
حقيقي انت قُدمنا
بقيت عريان
التعليقات مغلقة.