آخر ذنب…بقلم وحيد علي الجمال
تعرف إنك خنت الوعد
لما اتحول قربك بعد
كنت حقيقي بتوب الوغد
دست مشاعر قلبي الصادقة
كنت بترفض أي مبادرة
تلغي مابينا سنين الهجرة
وتقربنا شوية لبعض
كنت بحاول أرضي غرورك
واقبل منك كل شروطك
يمكن أكفر آخر ذنب
يمكن ننهي ما بينا الحرب
عرض سلامي طلع م القلب
مش محتاج أفردلك سرد
مش محتاج لدليل إثبات
ان الماضي ده ولا وفات
اكتب نقطة وشد في خط
وارسم حلم جديد ع السطر
حاسب اوعي لجرحي تلط
وتوقفني في وسط الشط
وتعشمني وتعمل قط ؟؟
تقطع كل خطوط المد
يمكن قصدك ……اللي بالي ؟!
مش من حقك تبقى أناني
لساها نفسك شايلة مواجع
عاوزة ترد التار البايت
قبل مانرجع نبقى حبايب
ليه مستني العمر يعدي
علشان تقبل تدخل أرضي
ونوقع في سلامنا الدايم
ست ساعات والنور هيطفي
ونقدم قرابين للضلمة
علشان تبقى معانا مسالمة
أو نشرب م الوجع الدايم
لونك كونك كلك طبعي
اطرد شبح الخوف الأذلي
وازرع شجر الفرح الوردي
سطوتي فوق سلطانك أبدى
حتي إذا قلبك قسوته حجري
اكتب فوق دواويني السابعة
أن الشمس هتفضل طالعة
مهما الحزن هيقفل بابك
أو في السجن هنبقى مرابعة
موسى هيدبح تاني البقرة
والخاين راح نفضح أمره
حتى اذا كان مع جني وحارسه
…….وحيد علي الجمال…………
التعليقات مغلقة.