آخر مرة بقلم سامح لطف الله
آخر مرة كتبت رسالة
كات ع الفيس
قلت يا رب اغفر لي ما فات
وانت محافظ ع الصلوات
تصحى الفجر تصلي ف وقته
كُلّ الناس حبَّاك بالذات
واصل ناسك جوة الوحدة
وفي الأجازات
كل الدنيا العين باكياك
ست الكل وكل جيرانها
“سلوي” مازالت في الشبَّاك
حالفة لتفضل واقفة هناك
يمكن ترجع لأه هترجع
هفضل واقفة وبستناك
دنا كمِلت دولابي ولبسي
والفستان هستلمه معاك
قلت الجمعة الجايّه فرحنا
المرة دي هتخلف وعدك
خدت القلب يا روحي معاك
مين يا حبيبي وخطفك مني؟
هيزفوك علي واحدة ملاك؟
عهد ما بينا وهفضل ليك
كلها خطوة وجايَّه وراك
التعليقات مغلقة.