آه م الغربه…كلمات الشاعر : أشرف يوسف علي
قالوا نسينا هواكوا وقولنا
ازاي تنسونا؟!!
واحنا اللي بنفرح بلقاكوا
يوم ماتجونا؟!!
هوننا عليكوا أوام ونسيتوا؟!!
بعد حنانكوا علينا قسيتوا؟!!
طيب ليه بعد ما حبيتوا
جيتوا علينا وكرهتونا؟!!
واحنا اللي بنفرح بلقاكوا
بعد فراقكوا ويوم ماتجونا
بعد فراقكوا ازاي هنحس
بطعم الفرحه؟!!
واحنا ليلاتي ننام علي شوقكوا
ودايما نصحي؟!!
بعد ما كنا زمان أحباب
ولا يوم شوفنا معاكوا عذاب
ليه في ثواني قفلتوا الباب
من غير ما تعاتبوا وبعتونا؟!!
واحنا اللي بنفرح بلقاكوا
بعد فراقكوا ويوم ما تجونا
آه م الغربه ف بعدكوا عنا
ومن لياليها
بعد غيابكوا ملناش دنيا
نعيش يوم فيها
تقسوا وقلبنا كله حنان
وهنعشقكوا كمان وكمان
ولا نتغير مهما ان كان
حتي ولو كنتوا كرهتونا
ما احنا اللي بنفرح بلقاكوا
بعد فراقكوا ويوم ما تجونا
الإثنين بتاريخ ٢٠٢٢/١٢/٢٦م
بقلمي : أشرف يوسف
التعليقات مغلقة.