أبا العمدة فرمان !
زين ممدوح
خد هنا يا واد يا مرزوق
نعمين يابا العمدة
الفرمان ده عرف بيه أهالى الكفر.
استنى لما أقرأ كده.
(يحظر نهائياً وبشكل حازم وصارم على المتزوجين الجدد عدم الإنجاب إلا بعد مرور عام كامل على الزواج.
وينفذ الفرمان اعتباراً من الأحد الأول من مارس2020 !.
على أن يكون الإنجاب كل ست سنوات ميلادية )
الله ينور عليك يا عمدة هو ده الشغل ولا بلاش
_أمال إيه يا وله،وبكده معدل الطلاق يقل وحلينا المشكلة!.
وكمان ادنالهم فرصة يتنيلوا يعرفوا بعض أكتر.والله أحسنوا العشرة مع بعض يبقى يفكروا يجيبوا أطفال
مش كتير ست سنين يا عمدة بس حلو زى نظام الترقيات! ،مش أحسن يا وله من القواضى والمحاكم؟!
بالك يا واد يا مرزوق أى حد تلاقيه بيتكلم بالحكمة وتحس إنه فيلسوف كده
اعرف على طول إنه ليه ملف فى محاكم الأسرة !!
يالا يا وله عرف الكفربسرعه ،ومتنساش تنزله فى جريدة الكفر الرسمية !!
التعليقات مغلقة.