أبا العمدة “الحلم”
زين ممدوح
بقول إيه يا جملات بتفهمى فى الأحلام
مش قوى يعنى،بس قول حلمت بإيه يمكن أقدر أفيدك !
_كنت نايم ومش دارى بأى حاجه،التعب هالكنى،
وفجأة الباب خبط،من التعب والشقى مش قادر أقوم
_ها وبعدين
_من كتر التخبيط،قمت مفزوع أشوف إيه الحكاية،فتحت الباب لقيت واحد لابس بدلة وكرافاته تحسى إنه مسؤول وزير كده حاجه ما شاء الله قيمة وسيما،ومعاه ثلاثة واقفين وراه
قلت له أوامر جنابك يا سعادة البيه
قال لى أنا الساكن الجديد اللى فوقك والأنبوبة فضيت ومحتاج أنبوبتك نكمل بيها الطبيخ
بالك والحق أنا أستغربت الموضوع، بقى معقولة فيه مسؤول أنبوبته بتفضى !
وقولت له الكلام ده
قال لى مفيش فرق بين مسؤول ومواطن الكلام ده كان زمان
وقال بناكل زى بعض!وبنشرب زى بعض
وبنتكلم فى المحمول زى بعض
هو انت خطك إيه
قولت له فودافون
قال لى بتعمل إيه لما باقتك تخلص
قلت له بشحن وبقرمش
قال لى إحنا كمان بنشحن بس بنقرمش أكتر ؟! !
التعليقات مغلقة.