أبا العمدة “السر الحقيقى لإلغاء مبارة الزمالك”
بقلم زين ممدوح
عاجبك اللى حصل إمبارح فى ماتش الزمالك يا مرزوق
بلاش يا جملات تظلمى الناس وتمشى ورا الموجة اللى دايرة فى الكفر.
ازاى يعنى يعنى في ناس قادرة وربنا مديها.
خدى منى اللى حصل، لأن الإعلام كالعادة معندوش شفهية!
بصى يا ست ،الحكم جه من آخر الدنيا،ركب قطر 6.30الصبح لتوانيا القاهرة مراكز ممتازة !.
وجه فى معاده،ناس مظبوطة ،كويس كده
_كويس كده!
الأهلى بقى فريق كبير وكلهم ماشاء الله وارثين وحالتهم متريشه
كل لاعب خد تاكسى للإستاد على طول،فلوس ولاد الأغنياء!
كويس كده
_كويس كده!
_تعالى بقى للغلابة اللى حالتهم تصعب على الكفيل!
ظروفهم صعبة ميقدروش ياخدوا تاكسى المشوار بعيد
يقوم يعملوا إيه
كل اتنين خدو توكتوك لحد أول الطريق!
كويس كده
_كويس كده
_وبعد ما اتجمعوا كلهم على الطريق فى مكان واحد،كابتن الفريق قال هنأجر اتوبيس سياحى يا جماعه يخدنا على الإستاد على طول.
قامت ظيطة كبيرة ،هنجيب منين واللى جاى على قد اللى رايح
ومعظمهم اعترض ،لحد ما اتفقوا برأى الأغلبية زى بتوع المجلس كده،انهم هياخدوا أتوبيس 194لحد القلعة ومن هناك ياخدوا ميكروباصين .
بشرط، كل واحد يدفع الأجرة لنفسه
كويس كده
_كويس كده
_لا مش كويس
قابلتهم لجنة فى الطريق
والسواق مش لابس الحزام
واللاعبية محدش معاه إثبات شخصيه
طلعوا كلهم على القسم ،وقالوا بركة يا جامع
دا احنا كنا هنشيل طين!
فعلا الجبن سيد الاخلاق !!
وآدى يا ستى الحكاية
فبلاش تظلمى اللاعيبة دول بيجروا على يتامى !
التعليقات مغلقة.