أبا العمدة ” العلم نور“
زين ممدوح
إيه اللى أخرك فى مصر كده يا مرزوق؟ ما تشغليش بالك،على طول متأخرين !
بس أقولك على حاجه
قول يا خويا سمعنى العلام حلو برضه،
إيوة طبعاً أروح وزارة الصحة علشان أشتكى
يقولوا لى الخط الساخن
أقوم أقعد شوية
ساعة وأرجع لهم يا جماعه عايز أشتكى
برضه يقولوا لى الخط الساخن
_وبعدين اضطريت أعلى صوتى وأزعق
ما تشغلوا المراوح علشان الخط يبرد بدل ما هو ساخن على طول كده
لقيتهم بيضحكوا على إيه مش عارف ليه
طلع الخط إسمه كده وانأ بغبائى مستنيه يبرد
علشان كده الغلابة مش عارفين يوصلوا للصحة
أكيد زى حلاتى مستنيين الخط يبرد!
فعلا يا بت العلم نور !
التعليقات مغلقة.