أبا العمدة بقلم الأستاذ : زين ممدوح

يا مرزوق يامرزوق تعالى كده بص م البلكونه فيه إيه يا جملات
إيه العربية المرسيدس اللي واقفه قدام بيت عويس دي دي عربية تبع أوبر
وأوبر جايه تعمل إيه قدام بيت عويس هتوديه التأمين الصحي! كُل بعقلي حلاوة يا مرزوق،تأمين صحي إيه اللي هيجي ياخد المريض،دا إن مكنش يلف كعب داير، ما يبقاش تأمين!
ما هو دا كان زمان يا بت،لكن دلوقتي الدنيا اتطورت دلوقتي المريض يطلب الخط الساخن 5500055 على طول يبعتوا له أوبر وبعد كده
بعد ما يوصل المستشفى هيقعد في صالة كبار الزوار،أمال إيه، السيد المواطن! واول ما يخلص كشف يرجع تاني لبيته معزز مكرم ربنا يخلي عمدتنا يا مرزوق ويعيش ويدعلنا
ومش كده وبس إيه كمان فرحني
أنا لو عايز أجازة وضع هيدوني طب تيجي ازاي دي
خلاص يا بت مفيش روتين الله يرحمه هو اللي كان واقف حال الناس طب يعني انا لو عايزه ابعت فلوس في البوسته
بالتليفون تخلصي اللي انت عايزاه يا حلاوة يا ولاد
ولسه يا بت ياما هنشوف دلع ! صحيح يا مرزوق ياما لسه هنشوف!!