أبا العمدة “تأمين صحي” بقلم زين ممدوح
خير يا جملات ألف سلامة لمرزوق،ماهو كان حلو امبارح
هو كان حلو وكل حاجه
امال إيه اللي جري يا بت
زي عوايده كل خميس طلب مني اعمل له اكله حلوة
, عملت سمك طبعا،وكان هيروح فيها يا ولداه!
مش سمك خالص،حتي هو ما بيحبوش
وكلتيه إيه طيب خلاه بيموت كده
كريب
يطلع إيه كريب ده،اوعي يا بت يكون لسانك اتعوج علشان روحت مصر يومين،فبتقولي على الكرنب كريب
لا يا عمده الكريب غير الكرنب
أهالي الكفر خلاص نسوا تراثنا
علي فكرة يا عمدة مرزوق متعتبش من الاكل
امال تعب من إيه
من الروتين
وده نوع جديد زي الكريب كده
للأسف يا عمده موجود من أيام الفراعنة
من أيام الفراعنة
أنشأه الملك روتين رع
طب ساكت علشان كده
لا خالص ،انت عارف بتوع التأمين خلونا نصور ورق لما تعبنا
يعني ورقتين يتعبوه يا جملات
الموظف يا عمده طلب منه صور تانية
ورق وتحاليل
طلب منه يصور الكمامة اربع صور
فطب ساكت!!
التعليقات مغلقة.