أبا العمدة “حمامات في الميادين العامة” …
زين ممدوح
مالك يا مرزوق بتفكر في ايه شكلك مش هنا خالص مشغول يا جملات
مشغول في إيه مشروع في بالي من زمان
ونفسي العمدة يتبنى الفكرة
وهيخلي الناس تحكي وتتكلم عن كفر أبو السعد
وايه هو المشروع ده فاكرة اخر مره نزلنا فيها مصر
وقعدنا ندور على دورة ميه عمومية في الشارع وملقناش
ايوة فاكرة،وده علاقته إيه بالمشروع بتاعك؟! ما هو ده يا بت المشروع !
انت عايز تعمل حمامات في الميادين العامة صح يا جملات ،بس بطريقة جديدة وحضارية
والصحف والفضائيات هتيجي تصوره وهتنبهر آخر انبهار يا شهرزاد قصدي يا جملات!
طب قولي على الفكرة انت لما بتروحي أي بنك مش بتاخدي ورقة ويبقي ليك دور
ايوه تمام هي فكرة الحمامات في الميادين هتبقى بالنظام ده
مكان مكيف وفيه مقاعد
وعدد أربع حمامات،كل واحد عليه رقمه
كل واحد في مشواره احتاج لدورة المياه
هيدخل المكان الحضاري ده
وياخد رقم ويقعد يرتاح
لحد ما يسمع الخدمه الصوتيه بتنادي عليه
عميل رقم2 حمام 4
يا سلام ياولاد انت دماغك متكلفة يا أبو المرازيق مصر مليانه بالأفكار يا جملات
بس مش لاقيه ايد تتمد لهم !!
قومي هاتيلي الكومبيوتر من الدولاب
_الكومبيوتر لسه في الغسيل !!
التعليقات مغلقة.