أبا العمدة
سى إن إن
جبت يا مرزوق كراسى كفاية
أيوة يا عمدة
طب قعد الناس،مش عايز حد فى الكفر فى البيوت
كله يجمع هنا علشان يسمع الست جملات وهى بتلعلع فى الراديون بتاع سى إن إن ،فاضل قد إيه وله على الحلقه.
مصر للتأمين بتقول لك الحلقة هتبدأ حالا !
*أعزائى مستمعى سى إن إن حول العالم
صباح الخير من بلد الحريات!وبرنامجكم
الغد المشرق
معكم أوبرا وينفري أبو جبل !
لا شك أن الحرية هى رئة الشعوب المتحضرة،وسلاحها فى محاربة الفساد،وهى الركيزة الأولى لبناء مجتمع فاضل
والشعوب لا تستطيع أن تجنى ثمار الغد إلا إذا كانت الحرية هى الوقود التى تدفع عجلة الإنتاج إلى الأمام!
معنا اليوم نموذج مشرف من النساء المؤثرات حول العالم السيدة جملات من كفر أبو السعد، وهى ناشطة حمومية
ولها العديد من المساهمات الخيرية فى كافة الصناديق
وخصوصا صندوق بيت العز يا بيتنا
أهلاً بك
أهلا وسهلاً بيك يا ست أوبرا ،وكل الناس الحلوة اللى بيسمعونى فى أمريكا والكفر لأ !
*فى البداية احكي لنا ازاى الكفر اتطور بهذه السرعة الرهيبة فى وقت لم يتجاوز الخمس سنوات ؟!
كله بفضلة خيرك حققناه بالجهود الذاتية والتبرعات!
والحمدلله على نعمة الكفر،والعمدة الله يبارك له مش معوزنا حاجه فى الكفر،ويمكن احنا الكفر الوحيد بين الكفور اللى سلفتنا البيوت مش الطرق بس !
::الله يسترك يا جملات،أيوة كده طولت رقبة العمدة.وباين عليها هتسمع الكلام زى ما قلت لها!
::ما توطى صوت يا عمدة عايزين نسمع الوليّه !
*يا ترى سيدة جملات فى مرأة معيلة فى الكفر؟!
_لا طبعاً ده كان زمان وراح لحالو
مفيش مرأة معيلة ولا حاجه، بالعكس كلهم عضوات فى النوادى من الفضى!،والعمدة مفيش شهر يفوت إلا ويطلعنا رحلات سياحيه على حسابه !.
::الهى تنسترى يا جملات يا بنت أم جملات
*سمعنا عندكم فى الكفر بتحاربوا الإبداع!
ممكن تفسرى لى أكتر
*منعتم الدوكش اووو سورى الشاكوش وبيكا انهم يغنوا
دا مش إسمه ابداع دا اسمه دفن ماضى جميل فى التراب وعايزين يعملوا لهم تقليعة لا هى من توبنا ولا عمرنا هنسمح بكده
وخدى الخبر الحصرى ده يا ست أوبرا
*اتفضلي
آنى قدمت للعمدة اقتراح ،والاقتراح ده لو اتطبق خلاص وادعا للمهرجانات فى الكفر!
روحت له وقلت له، اسمع يا عمدة !
خدها نصيحة من جملات لو فعلا عايز تمنع المهزله دى
الحل فى الافراح!
قالى ازاى فى الافراح يا بت؟!
قلت له شوف يا عمدة
نمنع الأهالى انها تجيب ال دى جى وتشغل البلاء الأزرق ده فى الفرح لأنه طول ما الأفراح ماشية كده عمرهم ما هيقدروا يمنعوهم لو جبت لهم ميت نقيب! وميت رقيب
اسمع نصيحتى يا عمدة بلاش دى جى فى الافراح
*وياترى العمده خد بالنصيحة؟!
_طبعا احنا عندنا حريات زيكم بالظبط !
أنشأ فرقة سماها زمان يا فرح !
وجاب كام شاب على شابة يقولوا أغانى زمان
زى
ادحرج وأجرى يا رومان
*واو ريلى رومان!
_أمال انت فكرك إيه احنا نعجبك قوى !
- سيدة جملات،لو حبيتى توجهى رسالة ،توجهيها لمين؟!
_هبعت الرسالة لكل البلاد اللى حوالينا.
ارجوكم بلاش تحقدوا على النعمة والرفاهية اللى احنا فيها !
*شكراً سيدة جملات
_عفوا يا ست وينجرى !
التعليقات مغلقة.