أبا العمدة …شقة على الكوبرى
قربنا نوصل يا مرزوق ولا لسه
خلاص هانت، وبعدين بصى على الطريق واتفرجى يا بت على مصر بلد العجايب.
بص يا مرزوق على يمينك كده، كوبرى جنب البلكونات؟!
يا حلاوة يا ولاد
طب شايفه انت اللى هناك ده
فين مش واخده بالى
يا بت انت عميت الميكروباص واقف على جنب وصاحب الشقة بيناولوا كوباية ميه!
أيوة أيوة شفت
وياما لسه هنشوف يا جمولتى
بس حاجه جميلة يا مرزوق لما يكون عندك بيت شرح كده وبيطل على الكوبرى
لا والناس زعلانه مش عارف زعلانه ليه
دا كفاية والواحد راكب العربية بدل ما يقول له على جنب يا اسطى،يقول الشباك اللى جاى معاك
وينزل قصاد اوضة النوم
دلع ده يا بت ولا مش دلع
_ربنا يخليهم لينا يا خويا ويدلعونا كمان وكمان !!
التعليقات مغلقة.