أبا العمدة “طرفة لزين ممدوح “الفضاء الخارجي
تعالى جملات أقول لك على خبر حلو
ايه يا مرزوق ، هتجيب لى الغسالة!
غسالة إيه يا بت ما انت عندك غسالة فول أتو طشت
احنا والحمد لله بعد 7000سنه حضارة وخمسة تجارة
بقى عندنا دلوقتي مخطط ، واخده بالك مخطط لإطلاق مركبة فضاء!
وإمتى هيطلقوها؟!
لسه يا بت دا مخطط بقولك ،وهيتم تنفيذة خلال 10سنين
لسه 10سنين يا مرزوق،يكون كله نسى،فكرتنى يا راجل بالخطة الخمسية إياها بتاع زمان ،ودى دورها إيه بقى على كده
_ دورها أخذ عينات من الفضاء الخارجي
كفى اللى الشر مالها المركبة لحقت تشتغل علشان تاخد عينة
طب ما تعمل صورة دم كاملة أحسن ونطمن عليها مره واحده
حاضر يا جملات ،هبلغ المسؤولين باقتراحك
_بس أنا غيرك يا جملات ،أنا فرحان،فرحان قوى للخبر ده
يااااااه يا جملات الفضاء الخارجي
احنا يا بت ممكن لو الجو حر نطلع نتمشى فى الفضاء الخارجي
يارب ادينا العمر لحد ما نشوف المركبة وهى طالعة من محطة مصر !!
التعليقات مغلقة.