أبا العمدة كله ببلاش؟!… زين ممدوح
شيفاك يا مرزوق مبسوط ووشك بيضحك اصل يا بت حصل معايا موقف كده خلاني متفائل
اهيه متفائل مره واحده،وايه بقي خلالك بالحالة دي النهاردة رحت أغير شريحة التلفون،وبعد ما خلصت
جيت أمشي الموظف نده على ،وقال لي نسيت أدفع الخمسة جنيه
واتأسفت له
وأنا جاي على هنا، قلت في عقل بالي
يا سلام يا مرزوق لو كل حاجه في الكفر ببلاش
العيش ببلاش ،تشتري لحمه ببلاش
الكشف والعلاج بلاش ،لبس ببلاش
حتى المرتبات بلاش،كله بيشتغل ببلاش
وعود ببلاش
طب من يا خويا اللي هيقوم بالمصاريف دي كلها طبعا هي يا بت
هي مين؟ مقدرش أقول يا جملات
وبعدين خايف منها لا تزعل
وتنكد علي اللي جابوني وتبهدلني اكتر من كده
هي مين دي يا راجل أمك يا جملات
بقي أمي اللى مبهدلاك ؟ ومبهدله الكفر كله وحياتك!
التعليقات مغلقة.