أبا العمدة ” لقاء على الهواء” بقلم / زين ممدوح
_يا ولاد تعالوا قوام فاضل 5 دقايق، وأبوكم يطلع في التلفزيون
ربنا يوفقك يا مزوق يا رب
وإياك تنسى الطلب اللي قلت لك عليه ؟!
*سيداتي انساتي سادتي، نحييكم في حلقة جديدة من برنامجكم المفضل( رجال تحت خط الفقر !)
يسعدني أن يكون معنا علما من أعلام الفقر، في كفر أبو السعد السيد مرزوق الحلواني
أهلا وسهلا سيد مرزوق
أهلا بحضرتك *سيد مرزوق هل انت حقيقي أفقر واحد في الكفر؟ يا ترى قبل السؤال ولا بعد السؤال؟!!
*ودا يفرق كتير
طبعا احنا كل مره في النازل ! *سيد مرزوق في الفترة الأخيرة انتشرت اخبار كتيرة عن غلاء الأسعار، تفتكر مين السبب؟ مين قال الكلام ده ،أكيد دي إشاعات مغرضه
كل حاجه زي ما هي، دا جشع تجار ليس إلا
*أمال مين السبب؟
هو احنا بلا فخر لأننا بكل بساطة بطلنا نحب بعض شوف المسؤولين علشان بيحبونا عاملين فينا ايه، شايلينا من ع الأرض شيل! ربنا يخليهم لينا ويقويهم علينا كمان وكمان! *تفتكر يا سيد مرزوق مين يحاسب الجشعين والإنتهازيين وحياتك دا سؤال بنسألوا من ربع قرن، ومش لاقيين إجابة على أرض الواقع
*ممكن حضرتك تقولنا وانت شخصية فقيرة ومؤثرة في المجتمع،ازاي نطلع من بوق الزجاجه؟!
_ سهلة خالص وبسيطة،الضمير، العمل بدون رياء، اختيار الكفؤ دائما،ونقول لا لأهل الثقة والمحسوبية، نعم للكفاءة، تفعيل القانون بكل حزم ،وانا وانت ورقصني يا جدع
صحيح قبل ما انسى جملات ليها طلب
*اتفضل
_جملات بتقول الناس كلتها قلعت الكمامة إلا احنا !
يا ريت المسؤولين يرحمونا شوية
وربنا يهدينا ويهديهم
*سيداتي انساتي سادتي إلى اللقاء مع معدم جديد!!
التعليقات مغلقة.