أبا العمدة “مواسم” طرفة لزين ممدوح

إلا قولي يابا العمدة
قول يا مرزوق ليك في الأحلام؟
أنا العمدة يا وله إزاي مليش في الأحلام! حلمت بإيه،أنا مش منبه عليكم مفيش أحلام ،مفيش دا كلام ما هي شيرين نبهتنا قبلك
طب قول وبطل غلبه أنا حلمت حلم صعب ومضايقني،وخصوصا من أبو ودنين طوال
وضّح يا مرزوق حلمت قال إيه، أنا راكب قطر،ومليان حمير!
جرى إيه يا مرزوق هو يا وله في قطر للحمير؟! ما أنا راخر زيك كده استغربت،ولقيت واحد كده مطلع راسه من الشباك، وودانه واقفة
وبيشاور على الحروف المكتوبة (س ح م)
ولقيته بيبص للحروف وبيضحك، وبيضحك قوي
ها وبعدين وبعدين أنا اضايقت جامد
جيت حاطط ايدي على الحروف، وقلت له دا بُعدك
دي بتاعتنا احنا
لقيته فاتح لي الباب،وعينك ما تشوف الا النور
شفت إيه يا وله عالم من الوادن أشكال وألوان
وكلهم عمالين يضحكوا علي
وصحيت م النوم مفزوع وصوتي متغير!
تقدر جنابك، تفسر لي الحلم
انت بتحب الكفتة يا وله؟! وده ايه علاقته بالحلم
_علشان كده هم ضحكوا عليك
الأيام اللي جاية دي، أيام مفترجة
فبلاش كفتة ولحمه
دول ضيوف شرف كل عيد
وإياك يا وله تهوب ناحية المطاعم
خلينا في الفراخ
على الأقل قاطعين فيها اشتراك !