أبا العمدة … وان مان شو بقلم زين ممدوح
تفتكري يا جملات مشروعي دا هينجح طبعا يا مرزوق ان شاء الله، انت الوحيد اللي في الكفر فاتح عيادة للعطور!
أمال ليه يا بت لحد دلوقتي مفيش زباين الصبر طيب يا خويا،أديك شفت الكفر،٣٠ سنه من غير صرف صحي وفي الآخر برضه مدوا لنا الصبر كمان ٣٠ !
إن الله مع الصابرين يا مرزوق (طرق على الباب)
أيوة ياللي بتخبط
_شوفي مين يا جملات يمكن زبون!
في إيه يا هنيه مالك بتنهجي كده ليه *سي مرزوق موجود أيوة موجود
*والنبي خليه ييجي بسرعه البيت عويس رايح فرح ومحتار يحط برافان إيه
حاضر يا حببتي خدي بس الشنطة في ايدك وهو مسافة السكة يلا يا مرزوق عندك كشف عند عويس طب ناوليني البالطو
يا أهل الله ياللي هنا
*اتفضل يا سي مرزوق
_يا ساتر ، مالك يا عويس ألف لا رش عليك!
مالك؟
*من ساعة ما حطيت اسكلبشر من كام يوم وانا على طول في النازل
_طب نام وافرد جسمك
بتحس انك كده أحيانا نفسك في مصيف
*فال الله ولا فالك يا مرزق يا اخي الملافظ سعد!
_هاتي يا هنية السماعه الهاند فري من الشنطة!
*خد يا خويا
_قول اه يا عويس
*ما بلاش اه دي يا مرزوق
_ليه يا وله
*قلناها كتير ولا حد حاسس!
_ لا ان شاء الله بسيطة
*خير يا سي مرزوق طمني
_خير يا هنيه ما تقلقيش، هو بس عويس عنده شوية حساسيه على صدره من السعاده
بص يا عويس سيبك من الاسكلبشر دا
آني هكتب لك على نوع برفان وان مان شو
وان شاء الله هتبقي في منتهى السعادة المستوردة
*مش ده شبيه ب وان مان كفر
_مفيش شبه خالص يا وله بينهم ، وان مان كفر ده بيجيب ربو
والعياذ بالله
خدي يا هنيه هاتي الروشتة دي من الهند وتعالي
وكل سنه وانتم طيبين!!
التعليقات مغلقة.