أبا العمده الحلم
زين ممدوح
مرزوق،مرزوق،يا راجل اصحى وبعدين بقى اصحى يا ابو المرازيق ! جرى إيه يا جملات حرام عليك
اصبرى شوية لما أكمل الحلم
لهو انت كنت بتحلم، قولى بشرنى حلمت بايه دا يا بت مش حلم عادى
انى كنت واقف فى مكان واسع وزحمه على الآخر
كله مولات فاخره فى كل المجالات،والغريبة محل صغير بتاع منظفات جه جنبهم ازاى معرفش !
وبعدين المهم انا واقف فى المكان الزحمه ده بمد ايدى للى رايح واللى جاى
يا مصيبتى يا مرزوق بتشحت لا هو أنت فاكره انت حد ادانى فلوس فى ايدى
أمال كنت بتاخد حلاوة دروبس ! لا يا بت انا كان معايا ماكينة فورى وكل واحد بيدخل الكارت بتاعه بيدينى اللى فيه النصيب
ولميت فلوس كتير قوى ،قمت عديت على بتاع المنظفات اشتريت صابونه لزوم الإستحمام واشيل تعب اليوم
ولسه هركب العربية واجيلك ،انت بقى عماله تصحى فيا لحد ما تاهت الفلوس مني، ومعرفش راحت فين ،ومفضلش غير الصابونه
_طب قوم الحمام جاهز !!
التعليقات مغلقة.