أبا العمده “خدمة العملاء” بقلم زين ممدوح

أبا العمده “خدمة العملاء” بقلم زين ممدوح

مالك يا مرزوق بتضحك ومبسوط كده والله يا جملات لو بنعامل بعض بحب زى ما بتوع خدمة عملاء المحمول بيعاملونا ،كان زمانا خدنا جايزة نوفل في الحب والسلام!.
شكلهم ريحوك علي الآخر؟ طبعا مش عايزة كلام،دى أهم حاجه عندهم راحة العميل،حتي لو معلش حاجه
استني كده أما احيلك كلمني ازاى
الو سلام عليكم *أتشرف بالإسم مرزوق
*احنا سعداء اننا سمعنا صوت حضرتك
وآني كمان *طب وغلاوتك زى ما بقول لحضرتك كده سعداء اننا سمعنا صوت حضرتك ياسيدي خلاص نسيتني انا بتكلم ليه
*طب اتصال حضرتك بنفس الرقم اللي بتكلمني منه
ايوة تمام *قولي أساعد حضرتك ازي،كلنا تحت أمرك ،ورضاك هو شغلنا الشاغل هو موضوع الرسايل التى بتيجي وش الفجر دى وبتصحيتي من أحلاها نومه،وأقوم ااقراها الاقيها رسالة
علشان انت عميل مميز اشحن ب10ولك ضعف الشحن دقايق زيادة ،ومش كده وبس وكمان ممكن تكسب لتر بيبسي
اشحن واشرب؟!
السؤال بقى انتم بقى مفيش دم ولا مفهومية علشان الرسايل دي تتبعت وش الفجر
*احنا بنتأسف لك وكل فريق العمل،وانا هبلغ طلبك للفنيين،مايرضناش طبعا نقلق نوم حضرتك
عشت عشت وبعدين ولو مواخذه،مش لازم بيبسي يعني ،ممكن شقة بطيخ في الجو الحر ده *كل اللي تؤمر بيه هنعمله ،راحة حضرتك هدفنا الأسمى واحنا حقيقي بجد سعداء اننا سمعنا صوت حضرتك أرجو بس ما تكونش واخد علي خاطرك مني
*اطلاقا يا أفندم،يومك سعيد
أشكرك بحرارةوكفر أبو السعد كلهم بيشكروك *عفواً، أى أوامر تاني حضرتك والله ولا ليك علي حلفان سعداء اننا سمعنا صوت حضرتك! لا من حقك تضحك صحيح يامزوق
_بس يا بت اللي غايظني إن كل ده من ورا قلبهم
وكمان أوڤر قوي يا جملات
بس انت عارفه انا سعيد قوى اني اتكلمت معاك !!