أبا العمده ” فصل شحن ” طرفة لزين ممدوح
مدى شوية يا جملات
ما بالراحة الدنيا مش هطير يا مرزوق
خلينا نستمتع باسكندرية وجوها
تعالى يالا بت الاتوبيس جه
اتوبيس إيه يا مرزوق
ده اتوبيس بالكهرباء شغال فى كذا خط فى اسكندرية
يا حلاوة يا ولاد أتوبيس بالكهربة هو ده الشغل ولا بلاش
شايفة يا بت الأتوبيس حلو ازاى وماشى يجرى زى الرهوان
هو ماله وقف ليه !
تلاقيك يا مرزوق حسدته
انت واقف ليه يا اسطى،العجلة ريحت ولا حاجه
لا يا بلدينا الأتوبيس فصل شحن !
ازاى فصل شحن يعنى،هو انت مش حاطه على الشاحن قبل ما تنام
اه طبعاً
أمال إيه اللى جرى
أمر الله ،شوف لنا شاحن معاك
والاتوبيس ده ابره ولا مشط !
يا عم نقطنا بسكاتك
ما تتكلم عدل يا سواق الهم انت
اسكتى يا جملات عيب
حاضر يا سى مرزوق
خد يا اسطى الباور بنك ده هيوصلك لحد أقرب محل شواحن
شكرا يا أستاذ مرزوق
الا قولى يا اسطى
هو ده اتوبيس 6.600 ولا الدمعه !
خد شاحنك واتوكل على الله انزل
خلاص نازلين ابقى اشحن اتوبيسك ياخويا قبل ما تنام !!
التعليقات مغلقة.