أبجد هوس …بقلم احمد زيدان
أبجد هوسحط الفيشه
كوز البيره و قرش حشيشه
عقلك تايه عمرك ضايع
كل طموحك تبقي حبيشه
خد ي مطاوع نادي مهاود
روق و أمسك ليّ الشيشه
كده خليك ريست وع الهادي
دي الأخبار كلها تحبيشه
خدها نصيحة وحلقة ف ودنك
أي حكاية مصيرها دروس
مره واحد حب واحده
بس هي محبتوش
راح ساحلها و قام دابحها
وسط جمع من الهاموش
قالوا كان طالب إديها
و اللي لسه ما تعرفوش
هي رفضت رفض تام
بس هو ماكفاهوش
رفضها كان حق شرعي
و هو كان برج الوحوش
ثم تيجي حكايه تانيه
و الحدث برج الجزيره
نط انهي حياته كافر
بس لو جرب يعافر
كان يموت موته كريمه
و اللي طار من ضهر كبري
واخد الاحلام معاه
و اللي و اللي واللي و اللي
سايب الاسرار وراه
دنيا مجنونه الحقيقه
و اللي عايش فيها ميت
و اللي ميت كان حاسبها
لما فكر يوم يسيبها
قرر أنه يعيش حياه
ق
ر
ر
أنه يعيش حياه
التعليقات مغلقة.