أتا مش مرتاح … بقلم الشاعر محمد عبد الفضيل
أنا مش مرتاح
ولا عندي براح
أتنفس فيه
ما في خل بيوفي
ولا صاحب وقت الشدة ألاقيه
وبقولك إيه
كفاياكي جراح
أنا نفسي أرتاح
دا أنا صبني هواكي بقاله سنين
وما طيبتيه
لا لقيت له دواكي
ولا حتي طبيب يقدر يداويه
كفاياكي دلال
بلا لعب عيال
قلبي مش لعبة عشان ترميه
وهبخر كل عتاب الحظ
وهخمس قلبي كمان وأرقيه
وإن ضاق الحال راح أقولك طظ
وأمسح من قلبي هواكي وأرميه
فكرك كده يعني الشوق جننني
ما هو باين إني
راح أغير كل طقوس اليوم
وهعيشها خمول وهقضيها نوم
متلخبط حالي يوماتي . ليلاتي
لو حسيتي بيه كنتي سألتيه
قلبي وبني لك عش جميل
عايزاني أجيب لك تاني دليل
ليه سوقتي في عندك وهدمتيه
مغرورة وباصة تملي لفوق
فاردة الجناحين
هتطيري لفين
كده مهما عليتي مسيرك يوم
تقعي ما تلاقي حبيب تناديه
وبقولك إيه
أنا مش ندمان ع الشوق والود
ولا جاي فرحان أتشفي في حد
لا بصفي حساب
ولا بشمت فيه
أنا بس بقولها كلمة بجد
قلبي المسكين كان لعبة في إيدك
كان مخلص ليكي
طول عمره شاريكي
بس إنتي في لحظة قوام بعتيه
راح أعيش من غيرك
وهحقق كل أحلامي بدونك
وإن جيتي في يوم حتي في منام
راح أقوم مفزوع أنا م الأحلام
وأسهر لياليا وعمري ما نام
فأمسحي من مخك أي غرام
قلبي مش لعبة عشان ترميه
التعليقات مغلقة.