أجيال … شعر عامية بقلم أحمد فؤاد الهادي

أجيال … شعر عامية بقلم أحمد فؤاد الهادي

أصحى ياوالدى ولم هدومك ..

أنت خلاص اليوم مش يومك

لسه هاتحكى ع المماليك! ..

لأ ريحنا الله يخليك

يعنى زهقنا من الحواديت ..

واحنا ياوالدى بتوع تنطيط

انت واخدها من الكُتاب ..

شقيت وتعبت ونعلك داب

واحنا غلبنا من الكافيهات ..

ومن اللف ورا الستات

واما سألنا عن وظايفنا ..

لاقينا حاجات كلها تقرفنا

يعنى ضرورى ننزل بدرى ..

واليوم كله نهرى ونجرى

وهايدونا ألف جنيه ..

طيب ليه؟

ماتسلمنا ياسيدنا فلوسك ..

واحنا نحبك ونيجى نبوسك

وهانفتح لك أوسع باب ..

لحد ما يجى الموت ويدوسك