أحلام عاطل ” عامية مصرية ” بقلم الأستاذ / أحمد فؤاد الهادي
شوف يا سي شوكت هي حكاية
ليها بداية ومالها نهاية
خليك قاعد كده ع القهوة
يمكن حظك يجي على سهوه
ويقعد جنبك واحد بيه
ويسأل شوكت عطلان ليه
أصل سيادته عرف السكة
لما ف مرة نام ع الدكة
وجاله واحد ابن حلال
قالة ازاي يجمع أموال
وازاي يسرق بنك وشركة
ياللا ياشوكت خش عليه
شيل له الشنطة وشغل أونطه
وامشى يا بابا تحت إديه
تلقاها مشيت زي الشربة
وهي يا شوكت تيجي ف ضربة
تعمل مجموعة من الشركات
وتعيشها بلوتيكا وحفلات
لو يوم صادفك هذا البيه
ابقى احكيلي تملي عليه
وان حققلك اللي ف بالك
يبقى توطي تبوس في إديه!!
التعليقات مغلقة.