أحلام ميت
بقلم/مدحت رياض
أحلام ميت
ببيع اي حاجة
وتلاتة ببريزة
ونفسي العزيزة
تسف التراب
دي بدلة لحمادة
وفستان لغادة
وانا كل مادا
برقع شراب
بلملم في قوتي
ورأس مالي صوتي
وكام كلمة حلوة
وشلة صحاب
بتاع شاي زميلي
زبون بيناديلي
اسيب صاحبي واجري
ما بينناش عتاب
ما انا وهو واحد
وكان يومنا جاحد
بيبخل بفرحة
ويبعت عذاب
دعيت ربي مرة
يكون فيها راحة
اكون حتى صحفي
يا مرشد سياحة
فجأت راحتي اني
تكون غصب عني
بقطر يعاملني
باخر بجاحة
التعليقات مغلقة.