أخر قرار … بقلم السيدابوقوره
انا خدت قرار إن انساكي
وأوراقي خلاص ها أقطعها
وهدايا الحب إللي معاكي
والبصمه إللي عليها شفاكي
من غير تفكير أنا ب أحرقها
والماضي اللي انا عيشته معاكي
خلاص هنساه
وحروف أسامينا علي الشجرة
والقلب إللي رسمناه
وكلامي الحلو إللي
انا قولته في طريق مِشِيناه
يا غرامى وروحي وأحلامي
انا واحد عشت عشان خاطرك
نور لك دنيا وزينها ومنتش شرياه
فتح لك كل بِبان الدنيا وبابك سداه
اشربي من كاس إيدك عملاه
هتلفي الدنيا ما تلقي دواه
وتجيني راكعه ما يشفعلك
غير قوله أااااااااه
التعليقات مغلقة.