أرض السلام.بقلم.حسن ابو عرب
من امته هزك نخلها
نسمة هواها وشمسها
وسواقى صوتها بالحنين
عماله تنعي حظها
صابها الشراقي مِن زمن
القحط دبل وردها
يا اللى انت زاعم ع الملأ
إنك ضناها وِوِلدهَا
دا الكدب طاقِق من عنيك
كما سهم شاقق قلبها
نازفه الدموع رافضَه الرجوع
تفحت قناوي فى خدها
لساك مصم ع الألم
لساك بتسعى فى هَدهَا
دا مستحيل
نخلك يانيل
هيطاطي يوم
على أرضها
ويطرح رصاص
مكان سُبَاطهَا وتمرها
مصر الوطن هي السكن
النهر فاض من نهدها
مصر الأمان أرض السلام
اكسب رضاها وودها
خليك مطيع لاحسَن تضِيع
واحذر تخالف عهدها
التعليقات مغلقة.