أستاذ في علم النكد بقلم بهاء اللبودى

أستاذ في علم النكد
قلبي الحزين دا مثال
موعود يشوف العجب
والسحر بالأميال

يهرب يصيبه العتب
يحلم يعود تمثال..
ولا يوم يهِيبُه العدد
ولا قلة العُمال

يا اخوانا مين السبب
مين حطم الغربال
وانحاش في ليلُه المدد
غير قلب عاش رحال
..
مخنوق في زحمة وطن
والسكة ماشية شمال
تدفع تلاقي التمن
خلص لك الأعطال

يا أهل الله ماله الزمن
متبدله الأحوال
والصحبة طرحت عدم
والبركة في الأندال

ما أنا قلبي ياما انظلم
صدق كتير و اتخان
معرفش طعم الألم
غير لما عاش انسان
غير لما عاش انسان