اسكت بقي
كلمات: محمد كسبه
أنا مش قادر افهم إنك
تجرح قلب قريب منك
قلب تملي يخاف علي جرحك
قلب بيعشق كل ملامحك
و مهما أكون مهموم و بآسي
بضحك علشان بحبك تضحك
اسكت بقي و سيبني لآهاتي
بسبب القسوة كرهت حياتي
و مبتمناش حاجة من الدنيا
غيرك انك تبعد يا حياتي
اسكت بقي سيبني بجروحي
سيبني أضحك تاني علي روحي
و انا دايما برضا بالغلب
أصل إنت ما تعرفش الحب
يلي مكسر قلبي و طموحي
بحبك اوي أكتر من روحي
اسكت بقي سيبني لأوهامي
سيبني ارسم دنيا لأحلامي
اللي معشش حبه في قلبي
عمره محسش بيا و بغرامي
التعليقات مغلقة.