أشلاء شعر جيهان النجار
مش عارفة مالي متبعترة
جوايا منهج أسئلة ؟؟
دماغى ليه متحولة!!
بيقولو انه بهدله
قررت احل المعضلة
الغي الظروف
لخصت كل الاحتياج
ف تلات حروف
شفت العيوب اعذار وميزة
عشقت زهد عاشق غريزة
حاصر الحياه
بغرق وطالبة طوق نجاه
خطيت على شط الغرام
خفت الحرام
لبستني طفلة ف الزحمة خايفة
وف الهدوء ترقص ف حفلة
وف المنام حالة شجن
لعمر اتسجن
محروقة من صهد البرود
مرعوبة من نقد العهود
ف مرايتي جثة هامدة
وكلها دود
جوايا كود
أربع حروف متحركة
رقبتي تحت المطرقة
جلدي شقوق ٠٠وصوت شادوف
جوايا س و ج و ن
جوايا خوف ٠
التعليقات مغلقة.