أصعب شيء شعر / حسن أبوعرب
أصعب شيء فى الدنيا عليَّ
هِوَّ خيانة قلبَك ليا
بعد ماكُنت الهوا والمَيا
بعد ماكنت النور لعنيا
حُبَك جوه القلب قتلتُه
بعد ماكان
روحي ودمي الساكن بالشريان
نبعي الصافي
وحضني الدافي بشوق وحنان
هو حمام القلب الأبيض
اللي مابين جناحاته
سلام وأمان
قلبي بسببك عاش مصدوم
يزرع حُب ويجني همُوم
واحتار فِكرِي وطار النوم
ياظالمني وعامل مظلوم
قالوا كتير عنَّك حكايات
طعمهَا مُر وكلُّه آهات
قلبي بينزف م الطعنات
ابعِد عني كفايه حرام
اوعه تقول أعذَار وكلام
بعد ماسِيبت القلب حُطَام
حُبك كان كدب وأوهام
عمري ماكنت ف يوم أتصور
إني أكون لعبه تسَلِّيك
ولا بإديا أَكتُب اسَطَّر
قصة عاشق مات بإديك
انا قررت بإني اتحَرْر
وابعد عن سِحرَك وعنيك
ولَا بِك قلبي راح يتأثَر
ولا مِن حُبي دا تاني اسْقِيك
أصلك خاين فِعلَك باين
لله أمرك عالِم بيك.
التعليقات مغلقة.