أصعب شيئ …
شعر ..أبومازن عبد الكافي.
… أصعب شيئ …
أصعب شيئ ع الواحد ..
لما يحس بسجن..
وهو عايش حر
أصعب شيئ على نفسه ..
لما بيضحك ..
وف ضحكه طعم المر
لما بيعمل خير ..
ويلاقي الشر
أصعب شيئ ع الواحد ..
لما يحس بإنه وحيد ..
بين كل البشر
لما يلاقي قلوب الناس..
أقسى من الحجر
أصعب شيئ ..
لما آمالك تبقى سراب
لما تشيب وتعجز وانت شباب
أصعب شيئ ..
لما تحب تفضفض ..
وقت الضيق
تيجي تدور حواليك..
ما تلاقي صديق
أصعب شيئ ..
لما دموعك تملا عنيك ..
منتاش عارف تعمل أيه
محتاج حد يضمك ليه
ويطبطب عليك
ده أصعب شيئ
شعر :
عبد الكافي فاروق بطل .
التعليقات مغلقة.