أصعب فراق… بقلم تهاني بركات
برمي همومي بكفوفها
و حزني اللي ما لوش حد
و قبل عيوني ما تشوفها
تسبقني روحي تحضنها
أمي و ما فيش زيها حد
فهماني و عرفاني
و قلبها صاين حبال الود
بتطبطب و بتطيب
سنداني في وقت الجد
و طيبتها ما لهاش حد
أمي جنتي و ناسي
و قوتي لما الوجع يشتد
أمي شمسي و إن غابت
يفضل دفاها جوه القلب
لمسة ايدها على شعري
تطمني و توعدني بلقاها
في أمسي و غد
و رغم إحساسي بوجودها
بتيجي في الحلم تحضني
و تطيب وجع يومي
من غيرها سنين عدت
لا نسيتني و لا نسيتها
أصلها يوم ماسابتني وعدتني
تفضل جانبي و تزورني
أمي اللي دعوتها وحشتني
عمرها يوم ما خذلتني
دايما برمي بهمومي
جوه كفوفها تحضنني
و إن غابت تفضل
روحها تحاوطني
أمي الوطن و الأرض
أمي السكن و الحُب
أمي اللي بدموعها
فرشتلي الطريق بالورد
فراقها كان أصعب صعب
و مراره ساكن خلايا القلب
تهاني بركات ٢٠ / ٣ / ٢٠٢٢
التعليقات مغلقة.