أصول الشعر.بقلم.وحيد على الجمال

ماتجبرنيش أعلق لك
على شعرك
و تغصبني أقول عنه
بإنه جميل
كفايه عليك بقى صحابك
معاهم قرطة من المجانين
و لو كان الثمن إنك
تعلقلي على نصوصي
فمش عاوز بقى تعليق
و لا عاوز كمان تهليل
و من دلوقتي و أنا طالع
أنا دمي هيبقى تقيل
كفايه كلام بقى مايع
ملوش معني و لا ترتيب
كفاية نقول على التافه
بإنه جميل
تعبنا كتير من التطبيل
و صدعنا دماغ الخلق
كفاية الدنيا خنقانه
و مُر الرزق و الحاجة
كمان في الشعر و هوايته
لازم يعني نشوف الشرد
ساعات ببقى منش قادر
أخبي قهرتي في ذاتي
و أنا بوصف جمال النص
بضحكة طعمها بايخ
أنا باكذب كتير في المدح
و عودني كدا الفيسبوك
على التمثيل مع التعليق
و أنا باكتب بقى كومنت
بإنه جميل و لا يسوى
كمان الزفت
أنا مقصدشي و الله
أهين أبدا كدا و لا حد
تعالوا نصحح المفهوم
و يبقى الشعر جوه صالون
حدوده تكون لها حراس
و أي نصوص بقى تنشر
لازم تبقى محل النقد
مافيش واحد بقى منا
يكون نصه كدا معصوم
ما دمت قبلت واتكرمت
وكان فضلك تعيش بينا
وجوه أرض كوكبنا
في دنيا الشعر والاوزان
فلازم ترضى تتعامل
بأنك مهما كنت كبير
ف بالنسبة بقى لغيرنا
بتتعامل كطالب علم
أنا أول واحد فيكم
هاكون واقف ف آخر
الصف ولا هنطق كمان
ولا حرف
راح أتعلم و نتعلم
من الفاهمين بأسراره
أصول الشعر و جماله
ما فيش واحد بقى شيطانه
يصورله بأن النظم ده يخصه
ولا يداري بقى وشه
أنا ما أقصدش و الله
أنا نقدي بجد بجد
في المطلق