أغنية “عايزة ابعد “…
منى الشوربجى
تبعد شوية انسى عنيك
تيجى لى تانى احن ليك
والحيرة تعبت بالى معاها
جربت ابعد حبة شوية
لقيتها تانى ايدى فاديك
والفكر خدنى وبعدت خالص
لقيتنى برده فكرت فيك
والفجر شقشق وسحبنى ليك
الغصن شايل حكايات كتير
احلام وياما كان كله خير
أبعد تقرب معرفش ارد
تحرجنى نظرة يقابلها سد
انا عايزة ابعد وانسى اللقا
نهر الحياة له ألف رد
وكلام كتير عايزنى اقوله
فضلت اسكت عسى انه خير
الحلم شاور كان عنده حق
كان لى حقيقة وكلامه جد
عايزة تسيبيه ارميه فى شق
ولو بعادك لقلبه رق
متجيش تخبى وتقولى لأ
التعليقات مغلقة.