أغنية للأطفال…لين بقلم أبو مازن عبد الكافي
حبيبة بابا مين
لولة .. لولي .. لين
بص شمال ويمين
لين ست الحلوين
عصفورة و كتكوتة
لولي” ٣ “شمعات
عقبال السبعينات
يا ست البنات
يا سكر نبات
لؤلؤة و ياقوتة
ياتوتة ياتوتة
ياحلوة وأطؤوطة
حبيبة بابا إنتي
يا أحلي بنوتة
لولي لين حبيبتي
بتحبي الحدوتة
حلوة مش ملتوتة
لما الفرخة باضت
والتعلب جتله موته
لولي لولي لولي
كل الناس قالولي
عاوزين زي لولي
قلت لهم مفيش
طبعا متلاقيش
دي أجمل سفروتة
لولو لولي لينا
ياوردة في جنينة
بتهفهف علينا
وتفرح ليالينا
يا أطعم بسكوتة
يا لولة يالولة
يا وردة يافلة
في الجمال ماسيبتي
للبنات فتفوتة
يارب تكبري لنا
ونشوفك عروسة
بالفستان والطرحة
ونعلي الزغروتة
أبومازن عبد الكافي.
التعليقات مغلقة.