ألف رحمه…شعر أشرف يوسف
كتبتها رثاءا في رحيل أمنا الغاليه الكريمة والدة الأستاذ عماد سالم
أبو العطا أخي الحبيب وصديقي العزيز رحمها الله وغفر لها وأعد لها نزلا بالفردوس الأعلى
الگلمات
ألف رحمه ونور عليكي
يا أمنا
هيا دي سنة خالقنا
في العباد
ليكي عنده في العلالي
منزله
حتي لو حسينا بعدك
بالبيعاد
جنتك متزوقه
و الكرامه في اللقا
و انتي لليوم دا زمان
گنتي له متشوقه
إفرحي بعد الوصول
و انتي بتشاهدي الرسول
أد إيه راح تفرحي
يا مؤمنه يا بنت الأصول
گل خير للطيبين
إللي لينا قريبين
وانتي منهم ياللي نورك
فاض و لألأ عالجبين
سبحتك تشهد عليكي
و الملايگه بتناديكي
واللي گنتي بتعمليه
هتلاقيه هناك بين إيديكي
صحبتك في الجنه أحمد
و الحبايب ناس گتير
يشهدولك أد إيه
مؤمنه و قدمتي خير
وف رگوعك وف سجودك
گام بذكر الله تقولي
لو هنا بتودعينا
يبقي بكره هناك تنولي
يرحمك رب العباد
بعد ما فارقتي الولاد
و يناديكي لجنتك
و انتي راضيه عن عماد
وانتي راضية عن عماد
الجمعه بتاريخ ٢٠٢٢/١/٢٨م
بقلم الشاعر : أشرف يوسف
من ديوان : شاعر و مشاعر
التعليقات مغلقة.