ألم الحقيقه بقلم محمد طلعت دودو
الحقيقه شييء بيوجع
قالوا عنى إنى قاسى ٠!
بس عينى فى المواقف ليه بتدمع
جوه الحكايه سطور كتيره مش بتقنع
أيوه عاشقك وإنتى عاشقه والقلوب لابد تشفع
الظروف خلقت منى راجل عجوز مش بيخضع
ضعف حالى شييء مريب شييء غريب بس ينفع
اللى زيي فى الهوى ..عاشق القلوب… ومهما قالوا مش هيرجع
النصيب قال كلمته ولكلامه يا مالكه روحى لازم أسمع
وأنا اللى بتحدى الظروف.من غير كسوف.!
أنا اللى عاشقك واللى بينا مش كلام أو خيال وللإله لازم أخشع
الحقيقه شيء بيوجع
فاكره زمان قلتى ليا ..عن طريقك لازم أبعد لازم أرجع
والقلب يصرخ بعشقك وتقولى لاء ..للنصيب لازم هتقنع
وانا اللي قدامك أسد.. ومن وراكى زى طفل فى حضن أمه ومن صراخه أمه بتدمع
الطريق كان كله شوك ..زى فجر من غير شروق وأنا اللى راجل والأصل مجدع
أنا اتحديت البشر ..كل البشر
حفرت إسمك جوه روحى من غير حذر
شبكت كفك.ويا كفى ولا همنى مين ينتظر
وكتبتلك والحبر دمى انا اللى عاشقك وإيه الخطر
رعشة ايديكى جوه ايدى دا شييء مريب مش مغتفر
ازاى انا وانتى فى مكان وتكونى خايفه وتتدققى كتير النظر
حد شافك ولا شافنى واحنا كبار ..دا شييء بيوجع وانا اللى قلبى مش حجر
وفى يوم ليله جبتلك قلبى بإيدى وطلبت ايدك ..
هتقاسمى روحى ويطول ما بينا والله السهر
ووقفت قدام الجميع انا اللي عاشقك وبعمرى شارى ولا همنى إيه م الوجع بينتظر
قالوا مهرك ..قلت روحى ..هغزلها فستان فرح من النجوم وضى القمر
هغزلها بعروق وريدى طرحه بيضا …وأحضن ايديها تحت المطر
ودا كله حلم
والحقيقه شييء بيوجع
وقالوا عنى أنى قاسى
وفى المواقف عين ليه دايما بتدمع
محمد طلعت دودو
التعليقات مغلقة.