أمانة يا بكرة … بقلم / هالة علي ابو الذهب
أمانة يا بكرة ياللي جاي ما تتأخر
وهات معاك توب اخضر
دا الفرح معانا مستني
وكفه محني
يلف التوب على قده ويتمختر
منين م يدوس خُطاه تطرح
سنابل سعد
ويوفي الوعد
لكل حزين في يوم يفرح
امانة يا بكرة ياللي جاي
هات الضي
لعيون من البُكا غامت
جفاها النوم
ضنى وهموم
ولا يوم م الوجع طابت
امانة عليك يا بكرة
ما يوم تنسى
حبيب غايب وجيبه معاك
يهل معاه قمر ليلي
واغزله مواويلي
بلون الورد والليلك
امانة يا بكرة ياللي جاي
التعليقات مغلقة، ولكن تركبكس وبينغبكس مفتوحة.