أمنية… منى الشوربجى

نفسى ارجع زى ديه
بنت صغيورة وشقية
نفسى اكون قلب البراءة
عايزة اعيش قصة بهية
نفسى تبقى ليا يونس
او تكون ف الكون
دا قيس
ابقى ليلى
ابقى هى
نفسى ابقى كل تنهيدة
لعيونك
ابقى رعشة بين جفونك
نبض يسبح
و لوريد الصبر
يلمح
حب …..ذود
عايزة فالكون ليا طلة
مسك …عود
انى ابقى
جوا نغمة احلى عود
يالا ارجع
قبل نن العين مايدمع
هات لى تانى
ضى قلب جديد نسانى
يالا غامر
دى الحياة من لقطة واحدة
هى مرة مفيش تانيها
هى خطوة ونلاقيها
يالا ارجع تانى ليا
وبشباب النبض جود
مش هاخبى
انت ف الغالب
ف دمى
وف وريدى
لحن عود
ولعيونى
تانى عود