أمي…كلمات محمد كسبه
ودعتها و حضنتها
و بدموع عينيا سألتها
بتفارقي ليه
و عينيها ثابته محلها
غمضتها
من الحنين عرق الجبين
و كفوف إيديها مسلمين
و المسك و النور فواحين
و آخر الكلام شهادة لله رب الأنام
و صلا وسلام على حبيبنا النبي
خاتم الأنبيا و المرسلين
الرحمة و العطف إنتهى
راحت خلاص و فارقتها
عدت سنين
و لسه إحساس الإيدين
بيطبطبوا على كتفي
و هي بتهمس لي بكلمتن
وصيتين
صلة الرحم ليوم الدين
واجب و دين
وصاحب القلب السليم
نوره على السراط المستقيم
قرآن كريم
و هدى الحبيب المصطفى
وقالت كمان
إن إللي يعدل الميزان
الحمد و التسبيح و بر الوالدين
ماتت اللي الملايكة بتكرمني
من أجلهاعلى كتفها
يامه شالتني م الأرض شيل
و يامه عملت لي المستحيل
لجل تراضيني يا نني عيني
و انا مهما عملت
مقدرش أوفي لها الجميل
بحبها
أمي يا أجمل كلمة قولتها
و هقولها لمين تاني بعدها
بحبها
التعليقات مغلقة.