أم ابراهيم ..مع الحكم والأمثال

بقلم علي البحيري

الرحايه

لَف الحجر في الرحاية
فَرك الشَعـير والحَبْ
شَبّع بطُون الصبايا
وروى الجميع بالحب
حامد وشاكر وراضي
أصلك سليم القلب
عايش حياتك بهمه
ولايوم شَعرت بكرب
أكتِب حُروفَك وكمل
إهدِم جدار الغٌلب
إزرع سعادة وفرحة
يطرح حَصادك حُب

الصبر
ياصبر حابب مرارك
والحلو صار مِجافِيك
عودتني أهوى طعمك
واعشق تراب أراضيك
كل المحن دى وصابر
ولا عمرى يوم هَجافِيك
عشمان وراضي بمرارك
صابر على اللي جَافٍيك
عايز أشوف حلو منك
للي غلب رَجَى فيك
يمكن ضَحك لي نصيبى
أفرح واشوف بعنيك

المتاهة
عشق الولد حق غيره
فاكر إنه كان لُه حَق
تَرك الأُصول والسلامة
و خلاص لغيرهم رَق
غرقان فى بحر الأماني
فرحان وقلبه اتشَق
شق الظلام نور نهاره
والوهم عشش دَق
صبحت أماله بعيدة
خسر اللي كان له حَق
دا يبقى ذنب الحقيقة
ولا اللي ليها ما رق

الغربة
ليه ياطبيب المبالي
طيبت ليه جرحي
منا كنت كاتم أنيني
ولغيري طال شرحي
وبسمّعه لحن خوفي
م اللي سرق فرحي
والكل جنبي يواسيني
واتجمعوا فى صرحي
الكل فارق وسابني
بعد ماطاب جرحي
ياريت يعود اللقا
لو حتى طال جرحي

الثقة
طبطب على محنتك
بيدك بلاش غيرك
إنتى اللي عارف دواك
عارف طريق سيرك
أرضك بتعرف خطاك
حافظه ضيا نورك
أزرع محبة وسلام
هيبان عليك خيرك
أعمل حساب القريب
خلّي اليتيم جارك
هتلاقي نور يتبعك
يكفيك ظلام ليلك
الرصيد
أنسى حساب البشر
واعمل حساب للقبر
واصبر على اللي ظلم
خللي الجزاء بالجبر
هندس حياتك بعفه
وارسم خطاك بالحبر
اجمع أو أطرح بذمه
هيساوي عملك شكر
حاسب و قرر و نفذ
زين الأمور بالفكر
عايز تفوز بالنتيجة
حلّى اللسان بالذكر

عايز تفوز بالنتيجة

حلي اللسان بالذكر

• زودت ليه الأسى
  شاطر تقول معلش
  غيرت ليه خلقتك
  لابس لنا كام وش
  كل اللي همك تجمع
  لو حتى كان بالغش
  جيب العويل اتملى
  والزور ظهر له كرش
  لا همه هم الغلابه
  ولا حتى ترك المش
  إصحى وفوق يابن أدم
  وأرجع لرب العرش