أنا أم بقلم : يسري عثمان
وتبقى حبه وارويها
واقضى ليالى اراعيها
فى عز البرد ادفيها
فى حر وشرد اخبيها
وتبقى الحبه وردايه
اميره فى الجمال ايه
العشره قصه وحكايه
وراسمه خيالها جوايا
وييجى ربيعها وينور
جمال سبحانه من صور
اشى احمر اشى اخضر
اشى اجمل ما تتصور
وييجى م السما خيال
ويقطف وردتى بحلال
و تتبدل كدا الاحوال
وتبقى القفلة للموال
حياخد روحى وعنيه
حاوصلها له بايديه
اللوعه باينه ف عنيه
ودقة قلبى حنيه
يراعى زهرتي بحنان
ويوصل بيها بر امان
وادارى ورا البيبان
كتير بابكى دموع ماتبان
باحبها اغلى من روحى
وهيه دوايا وجروحى
ياشمس الغربه يوم روحى
وخبطى على البيبان
قوليلها والله ماهان
ولا قادره على النسيان
ولا حاقدر اقول دا كان
دموع تجرى وهنا فرحان
يارب تدفى دنيتهم
وبارك كل خلفتهم
بافرح لما اروح بيتهم
الاقى الفرح عا البيبان
التعليقات مغلقة.