أنا إنسان
للشاعر : أشرف يوسف
أنا إنسان له قلب وروح
عايش بيهم بين الناس
ليا كيان وشعور ومبادئ
مش كدا بس و فيه
إحساس
كل الناس في الدنيا
حبايبي
و اكدب ليه و أداري
واخبي
مش بشفايفي بقولها
وبس
كل كلامي بقوله بقلبي
قلبي يحس بجرح الغير
واعرف إيه شر وإيه خير
وابكي في وقت ما تبكي
الناس
و امشي ف نور الله
مشاوير
ماشي ف حالي بكل
تواضع
مش مغرور ولا احب الكبر
كلمه ومرسومه بأحاسيسي
مش مكتوبه بقلم الحبر
قوللي هتاخد إيه م الدنيا
علشان توصل بيه للآخره؟!!
لازم تعرف إنك راجع
وان الناس م الدنيا مسافره
قدم كل الخير تلاقيه
مستنيك في محطة بكره
لسه هترجع تاني تفكر ؟!!!
المسأله مش عايزه مذاكره
عايز تظلم غيرك إظلم
هتعدي الأيام و تفوت
و الموت إللي بتهرب منه
حا يجيلك وف لحظه تموت
الخميس بتاريخ ٢٠٢٢/٦/٢م
بقلم الشاعر : أشرف يوسف
من ديوان : شاعر و مشاعر
التعليقات مغلقة.