أنا المصري… أحمد إبراهيم النجار
بتاريخ 17/5/2020
وهصرخ باللي باقي ف صوت
هعيش وهموت على أرضك
ماليش غيرك ولا بعدك
ده انا قلبك وانا عينك
وانا الحارس على حلمك
وانا أملك
ولو حتي الرصاص هيفوت
على قلبي في لحظة موت
هكون ليكي فداء روحي
ولو زاد الألم فيا
انا عاشق وانا الغارق
في بحر عنيكي يا بهية
يا امحية بلون القمح
الراقص على أرضك
ومين قبلك ومين بعدك
في يوم هيكون
يا ام الدنيا في عيونك
يعود الفجر هتعودي بنور البدر
وف توبك جناين ورد
وانا ع العهد بهواكي
ومهما الغدر كان صورة
في اوراقك
انا حارس حدود توبك
وقادر اكسر الصورة
وارسملك على طرحة لياليكي
ورود بالعطر تتعطر خطاويكي
واجيب الحنة
وانقوش ورد في ايديكي
وارويكي بنيل الحب متفرع
انا حالم وانا هقدر
لأني حبك الساكن
في قلبي كبير
ومالي الكون
يا ام عيون ماليها مثال
ولا زييك في يوم زييك
ومين هيكون؟
حضارة وعلم علمنا
كتير م الناس
كبيرة انتي من يومك
ومين هيكون؟
يا ام حنون
كريمة الماضي والحاضر
تاريخ مسطور
هنا شاهد
هرم خوفو وابو الهول
بحبك انتي يا قمره
ولا غيرك في قلبي يكون
بقلم الشاعر المصري/ احمد إبراهيم النجار
التعليقات مغلقة.