أنا النملة …
شعر جيهان النجار
دموع الفرح خاصمتني مع ٠٠٠٠٠٠الزعاريد
فى يوم ما عبرتي
كنت فى مهدي لسه وليد
وكل ما يجي يوم نصرك
مابين ظهرك وبين عصرك
اردد فيك أغنية غير الحواديت
وارفع راسي ابوس علمك وارسم حلمي بالألوان
القي النصر كان ياماكان حكاية وعشنا فيها زمان
بقيت ذكرى حكاية جدتي امبارح
ماتت ستي ماجاش بكره
مانيش فكرة من القصة
غير الطراطيش ودم الشهدا فرض مافيش
على الحرافيش
عشان ارض السلام فيكي بقت اسواق تبيع اهواء
ثراء فاحش بختم
القلب والأوطان
وانا بينهم بختم الغلب انا غلبان برغم اني اللى شاريكي
وكل ما ابص فى عينيكي
اشوف عنوان
تعيش نملة تاكل سكر
بلاش تلبس هدوم إنسان
*يا أكتوبر
يا أول عمرنا السوبر يابو الكرامات
ياريت تدفا فى يناير وتبقوا اخوات
ياريت الفجر يصحي الصبح
فايلاقي الهوا حبات
من الضحكة وملضومة ف سنين خضرا
عشان نبدأ نلم العمر
ثم نفرق الشربات
التعليقات مغلقة.