أنا بحلم
الشاعر/محمد الشريف
عارفه يا روحي بحلم بإيه
بحلم إني عايش في جنتك
بتنسم مع الهوا رقتك
عايش في قصر مودتك
حيطانه جدران قلبك وسقفه محبتك
بحلم بحضن ايضمني
بحلم بقلب مليان حنان
ايشدني
بحلم بكلمة بحبك اترجني
ومن الشتات تلمني
بحلم برمش في ضلته
انسي همومي واترمي
يغطيني برقته
واتحني من جماله وحنيته
وضحكته تهزني
واشرب رحيقه
من شفايفه أرتوي
ومن بلسمه
انطرب وانتشي
آه لو تعرفي بحلم بايه
بحلم بروح
دا الفؤاد مجروح
من الحنان والندي
محروم ومدبوح
آه لو تحني علي
ومن سواد عيونك تكحلي عينيه
وتمسحي دمعته واتضميه
لإني يا روحي
بحلم بحضن ايضمني
التعليقات مغلقة.