انا جَنْبِك
شعر سيدة القصاص
ومين يقدر يقرَّب
لك وأنا جنبك
وأنا ابنك
ومين يبص
لعنيكى
دا أنا افديكي
بنن العين
يامالية الكون ده
حنية تساع
ملايين
طب اللي ف يوم
يفكر بس يغتصبك..
يا ويله ياضلام
ليله يا
عيشته الطين
يا غالية دانت
نوَّارة أمل طارحة
في قلبي سنين
خضارهم زاد
حياتي أمان
يا اسم ونقْشِته
بَلْسم
يداوي جراح
لأي زمان
أنا نفسي أنط
ف ساحة الاحلام
واجيب لك
م الزمن
رزمة من الأيام
تخطي
فوق شواشيهم
وتهدي
الضحكة للجدعان.
.
التعليقات مغلقة.