أنا
سامح لطف الله
أنا الساكت فباعوني
بنار الدنيا لسعوني
هبرطم ليه وهشكيلهم
ورب الكون هنا في عوني
أنا الراكن على جنبي
عايز نفخة عشان قلبي
عايز نفحة عشان جيبي
يهد كرونا متخبي
أنا الطالب يدوب مشفى
سرير ف عناية مستشفى
وإيد بالرحمة ممدودة
ولقمة ستر لو كفى
أنا الراكب حصان أملي
وعاضض لحمتي الجملي
وشارب مري من كوعي
وبكرة ضاع بمحتملي
أنا الآنن أنين أني
وعارف كل دا عني
وسابني ف دوخة الدوخة
ولو طايل لكان باعني
أنا اللي شماله تديني
وبيمينه ببمحيني
ويتسهوك ويحلفلي
دا بكرة أحلى و بديني
أنا وانت وكمان هوه
في نن العين من جوة
وجيبنا كالبلاط ممسوح
ولا حول ولا قوة
سامح لطف الله
التعليقات مغلقة.